Einstaklingsnámskrár á svipstundu
Nýtt gervigreindarverkfæri í Viskubrunninum!
Við vitum öll að gerð einstaklingsnámskráa er eitt af þeim verkefnum sem krefjast mikils tíma, natni og skipulags. Það er mikilvægt að halda utan um greiningar, styrkleika og markmið hvers nemanda, en skriffinnskan getur oft tekið dýrmætan tíma frá því sem skiptir mestu máli: kennslunni sjálfri.
Nú höfum við í Viskubrunninum hannað nýtt og öflugt verkfæri sem nýtir gervigreind til að létta þér vinnuna. Með Einstaklingsnámskrá verkfærinu getur þú búið til faglega og ítarlega námskrá á örskammri stundu!
Hvernig virkar þetta?
Verkfærið leiðir þig í gegnum 6 einföld skref:
Grunnupplýsingar: Þú setur inn nafnið og bekkinn (engin gögn eru geymd í kerfinu eftir að vinnunni lýkur).
Bakgrunnur og greiningar: Einfalt er að velja niðurstöður greininga og skrá styrkleika nemandans.
Snjall textagerð: Þú getur slegið inn punktalistan þinn og gervigreindin hjálpar þér að móta hann í samfelldan og faglegan texta.
Hæfniviðmið úr Aðalnámskrá: Þú getur valið hæfniviðmið beint úr kerfinu, hvort sem það er fyrir íslensku, stærðfræði eða aðrar greinar.
Markmið og leiðir: Þú skilgreinir námsleiðir og hvernig námsmati verður háttað.
Yfirlit og Word-skjal: Þegar allt er tilbúið færðu yfirlit og getur halað niður fullbúnu Word-skjali sem þú getur síðan fínpússað.
Af hverju að nota gervigreind í þetta?
Tímasparnaður: Þú eyðir minni tíma í að „glíma við autt blað“ og meiri tíma í að hugsa um þarfir nemandans.
Faglegt málfar: Gervigreindin hjálpar til við að tryggja að textinn sé skýr og lýsandi.
Betra yfirsýn: Kerfið passar að ekkert gleymist, frá greiningum til námsmats.
Öryggið í fyrirrúmi
Við leggjum mikla áherslu á persónuvernd. Um leið og þú hefur sótt Word-skjalið þitt og lokið lotunni, þurrkast allar upplýsingar út úr kerfinu. Engin nemendagögn eru geymd hjá okkur.
Hér getur þú séð myndband um hvernig verkfærið virkar.
